يحكى أن قابيل قتل هابيل
يحكى أن الباقين من البشر صدقوا
القتل مش طبيعة في قابيل وهابيل
القتل طبيعية في كل اللي صدقوا
*
قالك قابيل لازم يتقتل لأنه قتل أخوه
وقولوا القاتل لازم يتقتل لأنه قتل قابيل
والقاتل اللي قتل القاتل اللي قتل القاتل ، لسه بيدي في الأوامر باسم الرب
مع إني مش عارفة ليه في كل ليلة بسمع همس الملايكة
وهم بيقولوا لبعضهم ، وإزاي نقول للرب إن باسمه بيتقتل كل البشر؟
والرب عارف وسامع، وباسمع صوته بعد كل رصاصة بتنضرب في الأرض
وهو بيقول، مش كان كفاية أيها الإنسان ، جريمة قتل واحدة ؟
*
دايما بحس الأرض زعلانة
كان دايماً الشجر فيها لونه أخضر مبينطفيش
وبعدين اللي حصل إن الشجر مبقاش عارف يحافظ على لونه
وشوية شوية بيتلطخ بالدم ، ويموت
منين جات الرصاصة للشجر؟
*
الدم عمره ما يبقى مية
لأن الميه ، طول عمرها بتتحول لدم
والعلاقة مش رايحة جاية
هو طريق واحد ، بدأناه ومشينا فيه
تفتكروا لو بدلنا جسمنا، والدم فيه بقا يتحول لمية
تفتكروا ده ممكن يحول كل أنهار الدم في العالم لمية تاني صالحة للشرب؟
ولا ده مجرد خيال فكسان ، لواحدة بتتقرف م الدم ؟
*
كل الحكاية اتقالت في فيلم كارتون
"دول احنا ، بص لهم ، ميختلفوش عننا"
أصلا (الإنسانية) عمرها ما كان فيها لا حرف اللام ولا حرف الواو
(لو) دي جبتوها منين؟
يحكى أن الباقين من البشر صدقوا
القتل مش طبيعة في قابيل وهابيل
القتل طبيعية في كل اللي صدقوا
*
قالك قابيل لازم يتقتل لأنه قتل أخوه
وقولوا القاتل لازم يتقتل لأنه قتل قابيل
والقاتل اللي قتل القاتل اللي قتل القاتل ، لسه بيدي في الأوامر باسم الرب
مع إني مش عارفة ليه في كل ليلة بسمع همس الملايكة
وهم بيقولوا لبعضهم ، وإزاي نقول للرب إن باسمه بيتقتل كل البشر؟
والرب عارف وسامع، وباسمع صوته بعد كل رصاصة بتنضرب في الأرض
وهو بيقول، مش كان كفاية أيها الإنسان ، جريمة قتل واحدة ؟
*
دايما بحس الأرض زعلانة
كان دايماً الشجر فيها لونه أخضر مبينطفيش
وبعدين اللي حصل إن الشجر مبقاش عارف يحافظ على لونه
وشوية شوية بيتلطخ بالدم ، ويموت
منين جات الرصاصة للشجر؟
*
الدم عمره ما يبقى مية
لأن الميه ، طول عمرها بتتحول لدم
والعلاقة مش رايحة جاية
هو طريق واحد ، بدأناه ومشينا فيه
تفتكروا لو بدلنا جسمنا، والدم فيه بقا يتحول لمية
تفتكروا ده ممكن يحول كل أنهار الدم في العالم لمية تاني صالحة للشرب؟
ولا ده مجرد خيال فكسان ، لواحدة بتتقرف م الدم ؟
*
كل الحكاية اتقالت في فيلم كارتون
"دول احنا ، بص لهم ، ميختلفوش عننا"
أصلا (الإنسانية) عمرها ما كان فيها لا حرف اللام ولا حرف الواو
(لو) دي جبتوها منين؟
مريم
27/7/2013
ملحوظة: كل اللي فوق مجرد فضفضة ،أنا عمري ما كتبت بالعامية قبل كدا لأني تقريبا ضدها في الأدب، بس دي فضفضة ومش عارفة أطلعها غير كدا .
ليست هناك تعليقات:
إرسال تعليق